အရင်က shader 16 ခုပဲ ပါတဲ့ Nvidia Geforce 9400M ကနေ အခု နောက် model တွေမှာ shader 48 ခုပါပြီး DDR3 memory ကို သုံးတဲ့ Geforce 320M တွေကို အစားထိုးခဲ့ ပါတယ်။ 15” နဲ့ 17” MacBook PRO မှာ ဆိုရင် Geforce GT 330M တွေ ပါလာ ပါတယ်။ GT model တွေက shared memory ကို မသုံးပဲ dedicated graphic memory ကို သုံးတဲ့ အပြင် memory bus width လည်း ပိုကျယ်တဲ့ အတွက် performance ပိုကောင်း ပါတယ်။
၂၀၁၀ ခုနှစ်ထုတ် MacBook PRO တစ်လုံး ၀ယ်ပြီး Windows 7 Home Premium (OEM) edition ကို install လုပ်ခဲ့ ပါတယ်။ OEM Windows 7 က Retail ထက် အများကြီး ဈေးသက်သာ ပါတယ်။ မကောင်းတာ တစ်ခု က OEM version တွေက ကွန်ပျူတာ တစ်လုံးမှာ install လုပ်ပြီး activate လုပ်ပြီးရင် နောက်ထပ် ကွန်ပျူတာ တစ်လုံးကို ပြောင်းလုိ့ မရတော့ ပါဘူး။ ဒါကြောင့် ဈေးသက်သာတာပေါ့။ ဒါပေမယ့် laptop လို hardware သိပ် အပြောင်းအလဲ မရှိပဲ နဲ့ ကိုယ်ကလည်း ရေရှည်သုံးမယ် ဆိုရင် အဆင်ပြေတယ်လေ။ OEM Windows 7 Home Premium က 130S$ လောက်ပဲ ရှိပါတယ်။ Retail version က S$ 325 လောက်ရှိပါတယ်။
အခု ကျွန်တော် မျှဝေချင်တာက ကျွန်တော့ ရဲ့ MacBook PRO မှာ Windows 7 ကို ထည့်ပြီးနောက်မှာ ကြုံခဲ့ရတဲ့ sound ပြဿနာ ကို ပြောပြချင် ပါတယ်။ MacBook တွေ ၀ယ်ရင် Mac OS X installation DVD တစ်ခါထဲ ပါလာပါတယ်။ အဲဒီ Mac OS X DVD ထဲမှာ Windows ကို MacBook ပေါ်ကို install လုပ်ပြီးရင် Windows အတွက် လိုအပ်တဲ့ drivers တွေနဲ့ အထိန်း program ဖြစ်တဲ့ BootCamp ပါလာပါတယ်။ BootCamp ကို install လုပ်ပြီး မှသာ Windows နဲ့ MacBook က ကောင်းကောင်း အပြည့်အ၀ အလုပ်လုပ်မှာပါ။
ကျွန်တော်က MacBook PRO 13” ပေါ်မှာ Windows 7 ကို install လုပ်ခဲ့ ပါတယ်။ လိုအပ်တဲ့ BootCamp နဲ့ drivers တွေကိုလည်း install လုပ်ခဲ့ ပါတယ်။ အားလုံး OK တယ် ပြော၇မှာပေါ့နော်။ ကျွန်တော့ MacBOOK PRO ရဲ့ sound chip က Cirrus Logic က chip ပါ။ အဲဒါ built-in speaker တွေကလည်း Windows 7 မှာ အလုပ်လုပ် ပါတယ်။ ဒါပေမယ့် တစ်ချိန်မှာတော့ headphone (နားကျပ်) ကို MacBook PRO 13” ရဲ့ audio output port မှာ တပ်လိုက်တော့ MacBook PRO ရဲ့ speaker က အသံတိတ်သွား ပေမယ့် head phone မှာ ဘာသံမှ မကြားရပါဘူး။ အတော် ကို ပြဿနာ တက်ပါတယ်။ ဒါနဲ့ sound driver ကို ပြန်ပြီး install လုပ်ကြည့်လည်း မရပါဘူး။ Soundcard ထုတ်လုပ်သူရဲ့ web site ကို သွားပြီး driver အသစ်ကို install လုပ်ပြီး စမ်းကြည့်တော့လည်း အဆင်မပြေပါဘူး။ ဒါနဲ့ ကျွန်တော့ MacBook PRO က hardware က ပျက်တယ်လို့တောင် ထင်မိပါသေးတယ်။ ဒါပေမယ့် Mac OS X ထဲမှာကျတော့ နားကျပ် က ကောင်းကောင်း အလုပ်လုပ် ပါတယ်။ ဒါက MacBook PROနဲ့ Windows 7 ကို သုံးတဲ့ သူတိုင်း ကြုံရနိုင်တဲ့ ပြဿနာပါ။
ဟိုလုပ် ဒီလုပ် လျှောက်စမ်းရင်း နောက်ဆုံးမှာ BootCamp က ပြဿနာ တက်တယ် လို့ ယူဆမိခဲ့ ပါတယ်။ ဘာလို့လည်း ဆိုတော့ BootCamp က Windows နဲ့ MacBook hardware ကြားမှာ အဓိက အလုပ်လုပ် ပေးတဲ့ program ဖြစ်လို့ပါ။ ဒါနဲ့ပဲ Apple Support web site ကို သွားပြီး MacBook PRO အတွက် update version ဖြစ်တဲ့ နောက်ဆုံးထွက် BootCamp Upgrade ကို download ဆွဲပြီး install လုပ်လိုက်တာ အားလုံး အဆင်ပြေသွား ခဲ့ပါတယ်။ တစ်ကယ်တမ်း အဆင် ပြေချင်တော့လည်း လွယ်လွယ်လေး ပေါ့နော်။
ဒါကြောင့် ကျွန်တော် ပြောချင်တာက MacBook PRO ကို သုံးနေပြီး Windows 7 ကို install လုပ်ပြီးမှ headphone က အလုပ်မလုပ်ရင် တစ်ခြား ဘာမှ လုပ်မနေပါနဲ့။ Apple Support ကို သွားပြီး latest BootCamp Upgrade ကို ထည့်လိုက်ရင် အဆင်ပြေသွား မယ် လို့ ပြောချင်ပါတယ်။
0 comments:
Post a Comment